(خيالي,واقعي)شفته يحير في فضاه عقول...من المعقول يرسم لي حقايق...ماتخيلها...

[بياض الثلج]

يسعــــــــــــــــد صباحكم/مساكم...

قصيــــــده للمجهول اعجبتني واتمنى ان تنـــــــــال اعجابكم..

(صعب اسهل)بدايات الرجوع لسكة المجهول..

بعيني والرجوع(اصعب)بداياتي من (اسهلها)...

من اول رحلتي فيني,طعن زهر الشباب,ذبول...

وش آخرها؟مدام اقسى طعوني جت,من اولها!!

(خيالي,واقعي)شفته يحير في فضاه عقول...

من المعقول يرسم لي حقايق...ماتخيلها...

ترى مايجرح العاقل من الدنيا,سوى المعقول!!

وانا المجروح من دنياي,لو ماكنت عاقلها...

ورى مستقبلي الماضي إلى الحاضر,وش المحصول...

إذا الماضي من ايامي اشوف الظلم باعدلها...

هنا..ضمتني احزاني,بعد ماغبت لي كم حول...

هنا..سكين لمعانق شرايين الفـــــــــرح ولها...

هنا..علقت دمعاتي على اقدام الليال,حجول!!

هنا..ماحنت البسمه علي وقلــــــــت ازعلها...

هنا..والا(هنا)..يكفي,عجزت اوصف,عجزت اقول..

عجزت اجمــع الم بابل,حزن دجله وامـــــــــولها...

عجزت آروض بصدري صدى جرح وجموح خيول..

انا مدري غضب والا بقلبي تلعــــــــب وتلها...

وقفت..وما وقفت الا..ادور للــــــحلول ..حلول...

ابعثر مــــــاورى نفسي..إلين اثقلت كاهلـــــــها...

تعبت احمل من الذكرى على المتن النحيل ..حمول ...

وانا نفــــــسي وهي نفسي وربي.. ما اتحمــــــلها..

لأني كل ما اقرب,اشوف ان الطـــــريق يــــطول...

وهو صعب علي ارجع,والاصعب كيف اكملها؟!!

اخاف ارجع والاقيني على هاك ال(هنا)مقتول!!

واخاف امشي لآخرها واشوفه,يشــــــبه اولها...