مرثية طلال الرشيد في طلال الرشيد (( رحمه الله ))

[الكاسر]

مرثية للشاعر : طلال العبدالله الرشيد

في

الفقيد طلال العبدالعزيز الرشيد (( رحمه الله ))


____________________




يعني ما كفوك مليون الشهيد

تاخذين أغلا الحبايب يالجزائر

ما لقيتي غـير أطـيب الرشيـد

لو ما اخاف الله لاقول الحكم جاير

الله اللي كاتب وحـنا عـبـيـــد

ذا قضى رب المساجد و المنايـر

الزمن لو طال مثله مايـجـيــد

فقد ابو نواف هي ام الخسايـر

مدرسـتنا في المراجل و القصيـد

طيب الموقف الى دارت دوايــر

لابكا ينفع ولا شـكــوى تـفـيـد

ما بـيدنا شي لو الدم فــايـر

ما بقى فينا على الشـدة شـديد

اللهب بين الضلوع وفي الضماير

كيف نفرح عـقبـه بـعـام جديـد

لاهـلا ولا مـسهـلا بـواحـد يـنايـر

يالـلـه انـك تـحسبه عنـدك شهيـد

مـن تـوفي غـدر في بـر الجزايـر

___________________